logó.JPG

Á haustönn 2021 verður eftirfarandi nám í boði í Tónlistarskóla Djúpavogs.
Kennari er Berglind Björgúlfsdóttir, söngkona.

 

Forskóli 1.- 4. bekkur

Kennsla fer fram í hópatímum einu sinni í viku, 40mín í senn.

 

Markmið forskólans er að efla sönggleði og tilfinningu fyrir tónlist sem undirbúning undir hljóðfæranám. Nemendur læra í gegnum söng, hlustun, hreyfingu, leik og sköpun. Nemendur hefja nám á ukulele og kynnast því að spila á bjöllur og ýmis ásláttarhljóðfæri. Forskólanemendur læra að koma fram og taka virkan þátt í tónleikahaldi skólans.

 

Ukulele 5.-10. bekkur

Kennsla fer fram í hópatímum einu sinni í viku, ýmist 40 mín í senn eða 2 x 20 mín.

 

Ukulele byrjendanám. Rythmiskt tónlistarnám með áherslu á  hljóma og undirleiksmynstur við sönglög, einnig þjálfun í að spila laglínur við undirleik samnemenda og gefið tækifæri til að semja lög. Farið í hugtök og tákn hefðbundins nótnalesturs, lestur hljómatákna og lestur á ukulele TABS. Nemendur læra að koma fram og taka virkan þátt í tónleikahaldi skólans.

  

Söngur 5.-10.bekkur 

Kennsla fer fram 2x í viku 20mín – í hópatíma.

Lögð er áhersla á heilbrigða og látlausa raddbeitingu og að efla sjálfstæði og persónulegan söngstíl hvers og eins. Nemendur fá þjálfun í að syngja sjálfstætt laglínur við hljómaundirleik, einnig þjálfun í að radda með öðrum, samsöng og meðleik. Uppbygging námsins er einstaklingsbundin og viðfangsefni geta verið breytileg, eftir áhuga og þörfum nemenda. Nemendur læra að koma fram og taka virkan þátt í tónleikahaldi skólans.
Nemendur læra að koma fram og taka virkan þátt í tónleikahaldi skólans.

 

Hljómborð 5.-10.bekkur

Kennsla fer fram í hópatímum einu sinni í viku, ýmist 40 mín í senn eða 2 x 20 mín.

 

Rythmiskt tónlistarnám með áherslu á  hljóma og undirleiksmynstur. Farið í grunnatriði hljómborðsleiks, laglína með hægri hönd og hljómar með vinstri hönd, æfðir skalar, einnig þjálfun í að spila laglínur við undirleik samnemenda og gefin forskrift til lagasmíða.


 

Gjaldskrá

Þar sem ekki er búið að samræma gjaldskrár tónlistarskóla í Múlaþingi mun nám í tónlistarskólanum á haustönn flokkast sem hálft nám (23.898) auk hljóðfæraleigu (7.185kr) þar sem við á.

Skráning fer fram dagana 10.-17.september 2021 og hefst tónlistarskólinn formlega mánudaginn 20.september.
Smellið hér fyrir skráningu í Tónlistarskóla Djúpavogs