Djúpavogsskóli og Bjarkartún brúa bilið

Elsti árgnagur leikskólabarna Bjarkartúns, Tjaldar, eru nú byrjuð í Djúpavogsskóla og verða á sínum árlegu vor-skóladögum í Djúpavogsskóla næstu tvær vikurnar.

Þar ætla þau að kynnast bæði skólahúsinu og skólalóðinni, krökkunum í Djúpavogsskóla og kennurunum í Djúpavogsskóla, hitta góða vini sína og fá að spreyta sig á ýmsum skemmtilegum skólaverkefnum.

Þetta samstarf Djúpavogsskóla og Bjarkartúns er dæmi um að ,,brúa bilið" milli skólastiga.

Við bjóðum Tjaldana hjartanlega velkomin til okkar. Það er gaman að hafa þau hjá okkur, og kveikir hjá öllum sólskinsskapið að heyra þennan flotta vinahóp tralla Strumpasönginn meðan eru að leika á skólalóðinni og rölta úti.