Mánudaginn 10. febrúar komu þær Jara, Eyrún og Helga frá Menntaskólanum á Egilsstöðum með frábæra kynningu fyrir nemendur í 10. bekk.
Krakkarnir voru dugleg að spurja um t.d. námsframboð, aðstöðu og æskilegan undirbúning fyrir áframhaldandi nám.
Kynningar sem þessar eru nemendum mjög mikilvægar, ekki aðeins til að mynda sér skoðun á hvað þau ætla að taka sér fyrir hendur eftir að grunnskóla lýkur, heldur er það nemendum einnig mikilvæg hvatning varðandi þá vinnu og undirbúning sem þau eru að vinna að á hverjum degi í grunnskólunum.
Við þökkum þeim Eyrúnu, Jöru og Helgu kærlega fyrir komuna og fyrir góða kynningu.
Commentaires