Tónlistarskóli Djúpavogs                                                                           starfsárið 2023 - 2024

 

Deildarstjóri tónskóla og kennari er Berglind Björgúlfsdóttir, söngkona.

Hægt er að hafa samband við hana í gegnum tölvupóst;berglind.bjorgulfsdottir@mulathing.is   

​

Tónlistarskóli Djúpavogs hefur störf sín þriðjudaginn 5.september 2023.  Kennt verður í grunnskólanum í listgreinastofu, þar sem tónlistarskólinn hefur aðstöðu. Berglind Björgúlfsdóttir heldur áfram að móta starfið og sér um kennsluna í vetur.

Markmið skólans er að gefa nemendum tækifæri til að vera virkir tónlistar- þátttakendur, sem hafa mikið um nám sitt að segja. (Einstaklingsmiðað nám).

Lögð er áhersla á spilafærni, samspil og sköpun í nærandi umgjörð. Nemendur læra að koma fram og taka virkan þátt í tónlistarflutningi.                                                                                           

​

Á haustönn 2023 verður eftirfarandi nám í boði í Tónlistarskóla Djúpavogs:

 

Forskóli 1.- 3. bekkur

Kennsla fer fram í hópatímum einu sinni í viku, 30 mín í senn.

Markmið forskólans er að efla sönggleði og tilfinningu fyrir tónlist sem undirbúning undir hljóðfæranám. Nemendur læra í gegnum söng, hlustun, hreyfingu, leik og sköpun. (Orff nálgun). Náttúra í nærumhverfi gefur innblástur í námið. Nemendur hefja nám á ukulele, æfa nótnalestur og kynnast því að spila á bjöllur, hljómborð og ýmis ásláttarhljóðfæri. Forskólanemendur læra að koma fram og taka virkan þátt í tónleikahaldi skólans. Myndband frá tónleikum 25.maí 2023: https://youtu.be/efYjCMaZe_M

 

Ukulele 4.-10. bekkur

Kennsla fer fram í aldursskiptum hópatímum einu sinni í viku, 40 mín í senn (eða 2 x 20 mín.)

Ukulele byrjendanám. Rythmískt tónlistarnám með áherslu á hljóma og undirleiks mynstur við lög, einnig þjálfun í að spila laglínur við undirleik samnemenda og gefið tækifæri til að semja lög. Farið í hugtök og tákn hefðbundins nótnalesturs, lestur hljómatákna og lestur á ukulele TABS. Ukulele er strengjahljóðfæri sem gott er að byrja að læra á, sérstaklega fyrir minni hendur, það er ódýrt, með mjúka strengi, fyrirferðalítið og auðvelt að grípa í það inni sem úti. Hér má sjá Taimane Gardner frá Hawaii spila á ukulele: https://www.youtube.com/watch?v=-yDM2hp78L4

 

Gítar  4.-10. bekkur

Kennsla fer fram 1x í viku, 40 mín. í senn (eða 2 x 20 mín).

Byrjendanám á gítar. Rythmískt tónlistarnám með áherslu á bókstafshljóma og undirleiksmynstur við lög, þjálfun í að spila laglínur og skala við undirleik og gefið tækifæri til að semja lög. Einnig verða fjölbreyttar leiðir farnar, stuðst við smáforrit(öpp) og netnám. Farið í hugtök og tákn hefðbundins nótnalesturs, lestur hljómatákna og lestur á gítar TABS.

 

Bassi  4.-10. bekkur

Kennsla fer fram 1x í viku, 40 mín. í senn (eða 2 x 20 mín).

Byrjendanám á bassa. Rythmískt tónlistarnám með áherslu á að spila laglínur, undirleiksmynstur (bassalínu) við lög, þjálfun í að spila rythmísk bassa stef og skala við undirleik og gefið tækifæri til að semja stef. Einnig verða fjölbreyttar leiðir farnar, stuðst við smáforrit(öpp) og netnám. Farið í hugtök og tákn hefðbundins nótnalesturs, lestur hljómatákna og lestur á gítar TABS.

 

Hljómborð 4.-10.bekkur

Kennsla fer fram 1x í viku 40 mín (eða 2 x 20 mín).

Grunnnám hljómborðsleiks, fjölbreytt lagaval, æfðir skalar og gerðar fingraæfingar. Gefin forskrift til lagasmíða og spunaæfingar nýttar til að þjálfa spilafærni. Rythmískt tónlistarnám með áherslu á hljóma og undirleiksmynstur, hefðbundinn og óhefðbundinn nótnalestur, farnar fjölbreyttar leiðir til að nálgast viðfangsefnið.

 

Söngur 4.-10.bekkur

Kennsla fer fram 40 mín – í hópatíma. (eða 2 x 20 mín).

Söngtækni og raddbeiting. Lögð er áhersla á heilbrigða og látlausa raddbeitingu og að efla sjálfstæði og persónulegan söngstíl hvers og eins. Nemendur fá þjálfun í að syngja sjálfstætt laglínur við hljómaundirleik, einnig þjálfun í að syngja í hljóðnema. Uppbygging námsins er einstaklingsbundið nám og viðfangsefni geta verið breytileg, eftir áhuga og þörfum nemenda. Söngnemendur eru sérstaklega hvattir til að taka þátt í kórstarfi tónlistarskólans.

 

Kór / bjöllukór

35 mínútur á viku (innifalið fyrir nemendur í öðru námi tónlistarskólans)

Einnig hægt að skrá sig sérstaklega í Kór / bjöllukór. Eldri og yngri hópur.

Í Kór / bjöllukór þjálfum við að syngja saman í röddum og spila saman á bjöllur. Að syngja saman eykur samkennd, þjálfar hlustun, tónheyrn, skilning á og tilfinningu fyrir tónlist. Nemendur leika á bjöllur sem auðga tónheim, tilfinningu fyrir takti, samhljómi, hljómfalli ofl. Einnig er unnið í anda Carls Orff með tónlist og hreyfingu og í sumum tilfellum er leikið á önnur slagverkshljóðfæri við ýmis tilefni.

 

Samspil

20 mínútur á viku (eða 40 mín aðra hverja viku) innifalið í söng og hljóðfæranámi.

Grunnþjálfun í samspili; þjálfast í að spila laglínur eða undirleik með samnemendum, læra þannig að hlusta á og vinna með öðrum, skipuleggja í sameiningu form, blæ, styrkleika, tónhæð og hljómfall tónlistarinnar og öðlast þannig tónlistarreynslu; eru virkir tónlistarþátttakendur.

 

Opið samspil  VAL

40 mínútur aðra hverja viku.  Innifalið í söng og hljóðfæranámi.

Áhersla er á fjölbreytta sköpun og samspil. Í þessa tíma er frjáls mæting. Þátttakendur, í það og það skipti, ráða ferðinni, undir handleiðslu kennara. Nemendur fá þjálfun í samspili á ýmis strengja- og slagverkshljóðfæri, þjálfast í hópavinnu og hugrekki til að koma fram með eigin hugmyndir. Nemendur eflast í tónlistarlegri orðræðu, skipuleggja í sameiningu form, blæ, styrkleika, tónhæð og hljómfall tónlistarinnar og öðlast þannig tónlistarreynslu; eru virkir tónlistarþátttakendur.

 

Tónfræði

Tónfræði er samþætt verklegu námi í öllum fögum. Verkleg tónfræði, uppgötvunarnám. Gerðar eru tilraunir með byggingarefni tónlistarinnar.

 

Gjaldskrá

Hljóðfæri/söngur 38.968 kr. á önn.  Forskóli  24.735 kr. á önn. Einnig er boðið upp á að skrá sig sérstaklega í Bjöllukór 4.871 kr.  Hljóðfæraleiga 7.436 kr.

​

Innifalið í skólagjaldi: 

Hljóðfæri/söngur                                 Forskóli                                 Bjöllukór

- Spilatími/söngtími                                  - Spilatími í hóp                       -  Kór/bjöllukór   

- Samspil                                                - Samspil í tímum                     - Tónlist og hreyfing ORFF   - Tónfræði                                              - Tónfræði samþætt                 - Tónleikar í lok annar

- Kór/bjöllukór VAL (innifalið)                    - Kór/bjöllukór VAL (innifalið)      

- Opið samspil VAL (innifalið)                    -Tónlist og hreyfing ORFF (samþætt forskólatímum)

- Tónleikar í lok annar                              - Tónleikar í lok annar

  Verð 38.968 kr.                                      Verð 24.735 kr.                        Verð 4.871 kr.                       

Systkinaafsláttur gildir fyrir nemendur til og með 23 ára. Nemandinn í viðamesta náminu greiðir fullt gjald, annar fjölskyldumeðlimur fær 30% afslátt, þriðji 50% og fjórði 70%.