,,Álfasöngur" Ríkarðs Jónssonar og ,,Þrettándakvöld" Finns Jónssonar

Það er alltaf svo gaman að sjá öll hress og kát að nýju eftir gott jólafrí.

Á móti okkur tekur hinn skemmtilegi þrettándi.

Í tilefni þess má syngja ,,Álfasöng" Ríkarðs Jónssonar (1888-1977), en á þrettándanum, 2023, sungu nemendur Djúpavogsskóla vísurnar í Samveru skólans, í tilefni þess að 100 ár voru liðin frá því þær voru fyrst sungnar á þrettándabrennu á Djúpavogi, árið 1923.

Í myndskreytingu fylgir mynd af teikningu Finns Jónssonar (1892 - 1993), bróður Ríkarðs, ,,Þrettándakvöld" þar sem greina má huldufókið/álfana á leið til messu í Álfakirkjunni / Rakkabergi.

Allar vísurnar og þrenns konar viðlög má finna í meðfylgjandi myndefni, en hér fylgja fyrstu vísurnar sem sungnar voru við íslenska þjóðlagið ,,Álfadans" eða betur þekkt sem ,,Mánninn hátt á himni skín":

Búlandstindur brúnahvass brýnir í skýjum nöf,

eins og gamall gylfi gnæfir ´ann yfir höf.

Tökum sprett

klett af klett,

kyndum bál á ís,

norðurljósin prýða vora paradís.

Nú er bjart um Búlandstind, blika norðurljós:

út úr hömrum halda, huldusveinn og drós.

Tökum sprett 

klett af klett, 

kyndum bál á ís,

norðurljósin prýða vora paradís.

Dýrðarmyndir, drottinn minn, dregur þú á fjöll,

ó hve undrafögur er  þín konungshöll.

Tökum sprett,

klett af klett,

kyndum bál á ís,

norðurljósin prýða vora paradís.

Álfasöngur Ríkarðs Jónssonar

,,Þrettándakvöld" eftir Finn Jónsson

Ríkarður Jónsson (1888 - 1977)

Finnur Jónsson (1892 - 1993)

Álfasöngur Ríkarðs Jónssonar - allur textinn