Björgunarsveitin Bára gefur nemendum endurskinsmerki

Nemendur Djúpavogsskóla fengu góða heimsókn á þessum fallega föstudegi, fulltrúar úr Björgunarsveitinni Báru, sem voru komin til að gefa nemendum endurskinsmerki.

Fulltrúarnir Hafdís, Davíð og Kolbrún spjölluðu við nemendur um mikilvægi þess að gæta öryggis í umferðinni, m.a gangandi og hjólandi, að nota hjólahjálma og að nota endurskinsmerki, ekki síst á þessum dimmustu og stystu ,,dögum" ársins sem verður enn meira áberandi þegar enginn er snjórinn.

Hafdís, Davíð og Kolbrún kíktu við til nemenda á öllum stigum og hver nemandi fékk tvö endurskinsmerki að gjöf, sem margir smelltu strax á skólatöskur, yfirhafnir og/eða jafnvel sjálfa sig.

Munum öll að nota endurskinsmerkin á hverjum degi.