Olympíuhlaupið 2026-2027

Í blíðskaparveðri gærdagsins hlupu nemendur af stað í Olympíuhlaup ársins. Það var mikill metnaður hjá nemendum og hlupu þau 402.5km samanlagt! Það skapaðist mikil stemning og mjög margir nemendur fóru í fyrsta sinn 10km og margir 5km. Það er nemendum algjörlega í sjálfvald sett hversu langt (eða hratt) þau fara og er aðal málið að þau hafi gaman, njóti útiverunnar og ekki síður að njóta leiðarinnar í öruggu umhverfi. Kennarar ýmist hlaupa/labba með eða standa á hvatningarstöðvum með brúsa og tilbúin að taka við klæðnaði frá ofhitnuðum hlaupurum :)

Við fengum extra krúttlegt klapplið þetta árið þegar leikskólinn færði sig á milli staða og hvatti nemendur áfram af mikilli einlægni.

Þetta er alltaf mikill hátíðardagur og gleðin algjörlega í fyrirrúmi!