Tónlistarskóli Djúpavogs

Skráning í tónlistarskólann okkar var frábær en um 30% nemenda eru skráðir og fullir tilhlökkunar að byrja að æfa á hin ýmsu hljóðfæri. Skráning var send á aðstandendur og lauk fyrir helgi.

Loka vinna er í gangi þessa vikuna með niðurröðun nemenda í stundatöflu, klára að græja tæknimálin og uppfæra gjaldskrá. Við vonumst til þess að Tónlistarskólinn hefji störf í næstu viku en foreldrar skráðra barna fá nánari upplýsingar í tölvupósti fyrir helgi.

Kennarar eru sem áður segir Jón Hilmar Kárason og Birgir Þórisson. Fer kennsla fram í fjarfundi en á fundi foreldra með þeim félögum kom fram að Jón Hilmar hefur kennt í gegnum fjarfundarbúnað síðan 2015 með góðum árangri. Voru þeir ánægðir að geta bætt Djúpavogsskóla á listann yfir skóla sem þeir þjónusta en nú þegar eru þeir að starfa í tónlistarskólanum á Patreksfirði, í Reykjahlíð og Þórshöfn svo dæmi séu nefnd.