Stærðfræði - jóladagatal Flatar

Flötur, samtök stærðfræðikennara, halda úti heimasíðunni ,,Flatarmál".

Þar má finna ýmsar skemmtilegar þrautir, m.a. þetta skemmtilega stærðfræði-jóladagatal sem hangir á vegg skólans, við drykkjarfontinn , fyrir nemendur, foreldra og starfsfólk.

Við hvetjum ykkur öll til að kíkja á stærðfræðiþraut dagsins þegar þið eigið leið í skólann.

Tilvitnun frá heimasíðu samtakanna, Flatarmál: ,,Flötur eru samtök stærðfræðikennara á öllum skólastigum. Samtökin eru opin öllum stærðfræðikennurum og öðru áhugafólki um stærðfræðinám og -kennslu.

Markmið Flatar er meðal annars; að styðja við þróunarstarf á sviði stærðfræðimenntunar, að efla menntun stærðfræðikennara, að skapa vettvang fyrir umræðu um stærðfræðikennslu og að veita kennurum stuðning við að takast á við ný og breytt viðfangsefni og vinnubrögð.

Með þessum hætti vilja samtökin sameina íslenska stærðfræðikennara á öllum skólastigum í starfi, umræðum og skrifum um stærðfræðimenntun"